काठमाडौँ, २२ वैशाख । मलेशियामा जारी एसीसी यु १९ एलिट कपको दोस्रो खेलमा पनि नेपालले जित हात पारेको छ । नेपालले कतारलाई ९ विकेटले पराजित गरेको हो । कतारलले दिएको ९४ रनको झिनो लक्ष्य नेपालले १० ओभर ५ बलमा १ विकेट गुमाउदै भेट्टयो । नेपालका लागि अमित श्रेष्ठले नटआउट रहदै सर्वाधिक ७० रनको योगदान गरे ।

काठमाडौँ, २२ वैशाख । नेपाल आइसीसी वल्र्ड क्रिकेट लिग डिभिजन २ मा पुग्न सफल भएको छ । डिभिजन ३ अन्तगरत हिजो भएका खेलमा नेपालले इटलीलाई र बर्मुडाले अमेरिकालाई भारी अन्तरले हराएपछि नेट रनरेटका आधारमा नेपालले डिभिजन २ मा स्थान बनाएको हो ।

काठमाडौँ, २२ वैशाख । गोर्खाको भुम्लिचोकमा भएको ट्याक्टर दुर्घटनामा १ जनाको ज्यान गएको छ । गएराती साढे ८ बजे सडक छेउमा रोकीराखेको ना ३ त ७१५४ नम्बरको ट्याक्टर सडक बाट अन्दाजी ५० मिटर तल खस्दा स्थानिय ४० बर्षिय भिम बहादर चेपाङको घटनास्थल मै ज्यान गएको हो ।

वीरगन्ज, २२ फागुन । वीरगन्ज प्रहरीले भन्सार छली भारततर्फ लाँदै गरेको अवस्थामा ५० क्विन्टल अवैध सुपारी मंगलबार बरामद गरेको छ । भिस्वा तथा सबैठवाको बीचमा रहेको सिकटा नदी किनारमा ट््याक्टरमा लोड गरिएको अवस्थामा ५० क्विन्टल सुपारी बरामद गरेको प्रहरीले जनाएको छ ।