भद्रपुर, २० जेठ । रकम नहुँदा उधारोमा ल्याएको चामल सकिन लागेपछि झापा जिल्लाको चन्द्रगढी कारागारको व्यवस्थापनसमक्ष कैदीलाई के खुवाउने भन्ने चिन्ताले सताउन थालेको छ । बिर्तामोडस्थित खाद्य संस्थानबाट पटकपटक उधारोमा ल्याइएको चामल एक साताभित्रै सकिन लागेको र संस्थानले थप उधारो दिन नसक्ने बताएपछि कैदीलाई भोकभोकै बस्नुपर्ने अवस्था सिर्जना हुन लागेको हो ।
सरकारले विनियोजन गरेको रकम फागुन मसान्तमै सकिएको छ । थप बजेटका लागि कारागार व्यवस्थापन विभाग काठमाडौँमा पत्राचार गरिएको भए पनि हालसम्म रकम निकासा नभएको कारागार प्रमुख खगेन्द्र गिरीले जानकारी गराउनुभयो । उहाँ भन्नुहुन्छ, “खाद्य संस्थानलाई १५ लाख रूपैयाँ भुक्तानी गर्नु पर्नेछ । कारागारका कैदीलाई चैत महिनादेखि नगद वितरण गरिएको छैन । यसका साथै वर्षे लुगा र ओढ्ने, ओछ्र्याउनेसमेत वितरण नगरिएकाले ६५ लाख रूपैयाँ माग गरिएको हो ।”
प्रत्येक कैदीलाई प्रतिदिन नगद ४५ रूपैयाँ र ७०० ग्राम चामल वितरण गर्ने कारागारको नियम रहेको छ । चामल, दाउरा, दाल र तरकारी उधारोमै खरिद भइरहेको छ । चन्द्रगढी कारागारमा यतिखेर ५६१ जना कैदी छन् । समष्टिगतरूपमा यतिखेर एक महिनामा पाँच लाख रूपैयाँ बराबरको चामल खर्च हुने गर्छ ।
टेलिफोन लाइन विगत दुई महिनादेखि विच्छेद गरिएको छ । नेपाल टेलिकमको महसुल बापतको ५० हजार रूपैयाँ चुक्ता नगरेपछि टेलिकमले लाइन विच्छेद गरेको कारागार शाखाले जनाएको छ । कारागारमा कैदीको चाप अत्यधिक छ । प्रत्येक दिन कोही न कोही बिरामी भइनै रहन्छ । त्यस्ता बिरामी कैदीलाई भद्रपुर अस्पतालमा उपचारका लागि लैजानुपर्दा भाडामा गाडी रिजर्भ गर्नुपर्छ । यसका लागि एकपटकमा ६०० रूपैयाँ भाडाबापत तिर्नुपर्छ, कार्यालय प्रमुख गिरीले भन्ननुभयो, “कैदीलाई झापाबाट अन्यत्र पनि लग्नुपर्ने भएकाले सरकारले एउटा गाडीको व्यवस्था गरिदिँदा राहत पुग्ने थियो ।”
- Recent
- Popular
- Comment
संविधानसभाको चुनाव होला ?
-
क्यालिफोर्निया । एप्पलले बजारमा ल्याउने भनेको आइवाच वर्ष २०१३ को सुरुदेखी नै चर्चामा रहेको ग्याजेट हो । एप्पलको आइवाचले गुगलको चश्माले भन्दा धेरै मिडियामा चर्चा र स्थान पाइरहेको छ । यतिखेर एप्पलको मुख्यालय क्यालिफोनिर्यामा एकसय भन्दा बढी इन्जिनियर यसको विकासमा व्यस्त रहेको समाचारहरु आइरहेको समयमा एक अमेरिकी म्यागेजिन म्याकयुजरले एप्पलले दिएको पेटेन्ट निवेदनका आधारमा आइवाचको डिजाइन र यसले कसरी काम गर्छ भन्ने पत्ता लगाएको छ ।
-
जेबी पुन मगर
केही वर्षयता हङकङलाई चियाएर हेरिरहेका सञ्चारकर्मी डम्बरकृष्ण श्रेष्ठले यहाँका नेपालीका सकारात्मक नकारात्मक पक्षहरूको साङ्गोपाङ्गो वृत्तान्त नेपालको सबैभन्दा बढी प्रभाव छाड्ने म्यागेजिन हिमाल खबरपत्रिकामार्फत् संसारभर छरिरहेका थिए ।
-
काठमाडौं, ३ चैत । बाह्रौँ नेपाल राष्ट्रिय हिन्दी सम्मेलन काठमाडौंमा जारी छ । नेपाल हिन्दी प्रतिष्ठानद्वारा प्रज्ञाभवनमा शुनिवारबाट आयोजना गरिएको सम्मेलनमा हिन्दी भाषा, साहित्यको विकासमा महत्वपूर्ण योगदान पु¥याउने वरिष्ठ हिन्दी साहित्यकारद्वय रामस्वार्थ ठाकुर र डा.शिवशङ्कर यादवलाई जनही नगद रु २५ हजार २५, जानकी मन्दिरको चाँदीको प्रतिमा तथा दोसल्लासहित राजर्षि जनक प्रतिभा पुरस्कार प्रदान गरिने कार्यक्रम छ ।
