काठमाडौं, १० असार । वर्षा तथा सहकालका देवता रातो मच्छिन्द्रनाथको भोटो आइतबार ललितपुरको जावलाखेलमा देखाइँदैछ । राष्ट्रप्रमुखका रुपमा राष्ट्रपति डा. रामवरण यादव, सवैधानिक अङगका प्रमुख, मन्त्रीगण लगायतका विशिष्ट अतिथि भोटो अवलोकनका लागी साँझ ५ बजे जावलाखेल जानुहुने कार्यक्रम रहेको छ ।
नागले किसानलाई दिएको भोटो चोरी भई कालान्तरमा भुतले भोटो लगाएको पाइएपछि किसान र भुतबिच भोटो तेरोमेरो भनि झगडा भएर अन्तमा मच्छिन्द्रनाथको जिम्मामा भोटो रहन गएको र यो भोटो कस्को हो भनी बिबाद सुल्टयाउने प्रयासस्वरुप भोटो देखाउन थालिएको किम्बदन्ती रहेको छ । तोकिए बमोजिम गुठि सस्थान पाटन शाखा कार्यालय प्रमुख लेखनाथ साप्कोटाले  मच्छिन्द्रनाथको रथको चारै सुरबाट आम नागरिक समक्ष भोटो प्रर्दशन गर्नुहुनेछ ।
भोटो दखाएपछि उपत्यकाकै सबै भन्दा लामो जात्राको रुपमा रहेको रातो मच्छिन्द्रनाथको जात्रा सम्पन्न हुनेछ । मच्छिन्द्रनाथको रथयात्रा चैत २५ गते बाट सुरु भएको थियो । करिब तीन महिना सम्म सञ्चालित यो जात्रा गुरु र शुक्र ग्रहको अस्त र उदयका कारण थतिटोलमा थप एक महिना रोकिएको थियो । भोटो देखाउने जात्रा सम्पत्र भएपछि सोही दिन साँझ नै खटमा राखेर मच्छिन्द्रनाथलाई बुङ्मती पु¥याउने परम्परा छ । भोटो जात्राको उपलक्ष्मा सरकारले आइतबार उपत्यकामा सार्बजनिक बिबाद दिएको छ । यसैबीच भोटो देखाउँने दिन आइतबार राष्ट्रपति लगायतका विशिष्ट ब्यक्तीहरु जावलाखेल पुग्ने भएकाले सुरक्षा सर्तकता बढाइएको बताइएको छ ।