काठमाडौँ, २२ वैशाख । संवैधानिक निकायका प्रमुखको नियुक्त तथा पदपुर्तिका बिषयमा छलफल गर्न संबैधानिक परिषदको बैठक आज बस्दैछ । परिषदको आजको बैठकमा अख्तियार दुरुपयोग अनुसन्धान आयोगको प्रमुखमा लोकमानसिंह कार्कीलाई नियुक्त गर्ने बिषयमा छलफल हुने जनाइएको छ ।

काठमाडौँ, २२ वैशाख । नेपाल विद्युत प्राधिकरणले आजदेखि दैनिक दुई घन्टा लोडसेडिङ घटाएर आठ घन्टामात्र लोडसेडिङ गर्ने भएको छ । विद्युत उत्पादनमा सुधार आएपछि दैनिक दुई घन्टा लोडसेडिङ घटाउन लागेको प्राधिकरणले जनाएको छ । केहीदिन अघिदेखि अघोषित रुपमा लोडसेडिङ घटाउँदै आएपनि आजदेखि औपचारिक रुपमा लागु गर्न लागेको प्राधिकरणले जनाएको छ ।

राजविराज, २२ वैशाख । विद्यालयको रकम दुरूपयोग गर्ने सप्तरीका दर्जनौँ विद्यालयका प्रधानाध्यापकलाई जिल्ला प्रशासन कार्यालय सप्तरीले कारबाही गर्न सकेको छैन । भ्रष्टाचारको मुद्दामा जिल्ला प्रशासन कार्यालयमा उजुरी परेको वर्षौं बितिसक्दासमेत अनियमितता गर्ने दर्जनाँै विद्यालयका प्रधानाध्यापकविरुद्ध कारबाही हुन नसकेको सो कार्यालयले जनाएको छ ।

काठमाडौँ, २२ वैशाख । केन्द्रिय कमिटी बैठकको एजेन्डा तय गर्न नेकपा एमालेको पोलिटब्यूरो बैठक आज बस्दै छ । पार्टी केन्द्रिय कार्यालय बल्खुमा केहिबेरपछि बस्ने बैठकमा गत बैशाख १५ र १६ गते बसेको पार्टीको स्थायी कमिटी बैठकले केन्द्रिय कमिटी बैठकका लागि तयार गरेको राजनितिक प्रतिवेदनका बिषयमा छलफल हुने एक पोलिटव्युरो सदस्यले जानकारी दिए ।

पाँचथर, २२ वैशाख । नेपाली काँग्रेसका केन्द्रीय सदस्य डा रामशरण महतले मन्त्रिपरिषद्का सदस्य तथा संवैधानिक अङ्गका प्रमुखहरु राजनीतिक पार्टीहरुकाविरुद्ध भाषणबाजी गरिरहेको आरोप लगाउनुभएको छ । पाँचथरको सदरमुकाम फिदिममा नेपाल प्रेस युनियन पाँचथर शाखाले आज आयोजना

काठमाडौँ, २२ वैशाख । बिभिन्न संगठनहरुले आह्वान गरेका बन्दका कारण आज देशका बिभिन्न भागको जनजीवत प्रभावित भएको छ । संघिय लिम्बुवान राज्य परिषदले पुर्वका नौ जिल्ला बन्द गरेको छ भने राष्ट्रिय मधेश समाजवादी पार्टीले बाराको कलैया तथा कैलालीका शैक्षिक संगठनहरुले लम्की बजार बन्द गराएका छन् ।

काठमाडौँ, २२ वैशाख । गोर्खाको भुम्लिचोकमा भएको ट्याक्टर दुर्घटनामा १ जनाको ज्यान गएको छ । गएराती साढे ८ बजे सडक छेउमा रोकीराखेको ना ३ त ७१५४ नम्बरको ट्याक्टर सडक बाट अन्दाजी ५० मिटर तल खस्दा स्थानिय ४० बर्षिय भिम बहादर चेपाङको घटनास्थल मै ज्यान गएको हो ।

काठमाडौँ, २२ वैशाख । मलेशियामा जारी एसीसी यु १९ एलिट कपको दोस्रो खेलमा पनि नेपालले जित हात पारेको छ । नेपालले कतारलाई ९ विकेटले पराजित गरेको हो । कतारलले दिएको ९४ रनको झिनो लक्ष्य नेपालले १० ओभर ५ बलमा १ विकेट गुमाउदै भेट्टयो । नेपालका लागि अमित श्रेष्ठले नटआउट रहदै सर्वाधिक ७० रनको योगदान गरे ।

काठमाडौँ, २२ वैशाख । नेपाल आइसीसी वल्र्ड क्रिकेट लिग डिभिजन २ मा पुग्न सफल भएको छ । डिभिजन ३ अन्तगरत हिजो भएका खेलमा नेपालले इटलीलाई र बर्मुडाले अमेरिकालाई भारी अन्तरले हराएपछि नेट रनरेटका आधारमा नेपालले डिभिजन २ मा स्थान बनाएको हो ।

काठमाडौं २२ वैसाख । नेपाल विद्युत प्राधिकरणले आजदेखि दैनिक दुई घन्टा लोडसेडिङ घटाएर आठ घन्टामात्र लोडसेडिङ गर्ने भएको छ । विद्युत उत्पादनमा सुधार आएपछि दैनिक दुई घन्टा लोडसेडिङ घटाउन लागेको प्राधिकरणले जनाएको छ ।