काठमाडौं, १५ फागुन । फिल्मी क्षेत्रको सबैभन्दा ठुलो अवार्ड ओस्कारको ८४ औ संस्करणमा दी आर्टिस्ट उत्कृष्ट फिल्म घोषित भएको छ । उत्कृष्ट फिल्म, निर्देशक, अभिनेतासहित पाँच बिधामा यो फिल्मले उपाधि हात पारेको हो ।

काठमाडौं, १५ फागुन । राजधानीको बबमहलमा रहेको नेपाल आयल निगमको मुख्य कार्यालयको मूल गेटमा सोमबार दिउँसो बम विस्फोट भएको छ । विस्फोटबाट तीन जनाको मृत्य भएको छ । दुई जनाको घट्नास्थलमै र १ जनाको बीर अस्पतालमा मृत्यु भएको हो । थप चार घाइते छन् ।

काठमाडौं, १५ फागुन । एकीकृत नेकपा माओवादीका अध्यक्ष पुष्पकमल दाहाल प्रचण्डसहित २५ जनाको टोलीले सोमबार बिहान माउन्टेन फ्लाइट मार्फत हिम श्रृंखलाहरुको अवलोकन गरेको छ ।

बझाङ, १५ फागुन । सोमबार बिहान सुदूरपश्चिमाञ्चलको सीमा क्षेत्रमा दुईवटा भूकम्प गएका छन् ।

काठमाडौं, १५ फागुन । वरिष्ठ कवि तथा गीतकार भीम विरागको ७७ बर्षको उमेरमा सोमबार बिहान निधन भएको छ ।

काठमाडौं, १५ फागुन । नेपाल विद्युत प्राधिकरणले सोमबारदेखि लागू हुनेगरी लोडसेडिङ्को समयमा दिनको १ घण्टा कटौती गरेको छ ।

काठमाडौं, १५ फागुन । आन्दोलनरत अस्थायी शिक्षकहरुले सोमबार दोश्रो दिन पनि मुलुकभरका सामुदायिक तथा निजी विद्यालय बन्द गराएका छन । तेश्रो चरणको आन्दोलन अन्तर्गत आइतबार शिक्षा मन्त्रालय अगाडी धर्ना दिन पुगेका शिक्षकहरुमाथि प्रहरीबाट ब्यापक धरपकड भएको भन्दै त्यसको विरोधमा सोमबार पनि बन्द आब्हान गरिएको शैक्षिक गणतान्त्रिक मञ्चका कोषाध्यक्ष दिनेश थापाले जानकारी दिनु भयो ।

काठमाडौं, १४ फागुन । संयुक्त लोकतान्त्रिक मधेशी मोर्चाले संघीयता लगायत मधेशका मुद्दालाइ निस्तेजगर्न फोरम गणतान्त्रिकका अध्यक्ष जयप्रकाशप्रसाद गुप्ता विरुद्धको फैसला आएको आरोप लगाएको छ । मधेशी जनअधिकार फोरम लोकतान्त्रिक संसदीय दलको कार्यालय सिंहदरवारमा आइतबार बिहान बसेको मोर्चाको बैठकले राज्यका सम्पूर्ण निकायवाट मधेशमाथी भइरहेको प्रहारको शिलसिलामा गुप्ताको फैसला आएको ठहर गरेको हो ।

काठमाडौं, १४ फागुन । शान्ति र संविधान निर्माण लगायतका विषयमा सहमति खोज्न जिम्मेवारी बाँडफाँड गरेका प्रमुख तीन दलले तीन साता भित्र माओवादी लडाकुका शिबिर खाली गर्ने सहमति गरेका छन् । कांग्रेस सभापति सुशील कोइरालाको निवास महाराजगन्जमा आइतबार बिहान बसेको प्रमुख तीन दलका शिर्ष नेताहरुको बैठकमा माओवादी अध्यक्ष पुष्पकमल दाहाल प्रचण्डले तीना साता भित्र लडाकुका शिबिर खाली गरि समायोजनको प्रक्रिया पुरा गर्ने प्रतिबद्धता सहितको प्रस्ताब प्रस्तुत गर्नु भएको थियो ।

इलाम, १४ फागुन । सभामुख सुवासचन्द्र नेम्बाङले सबै जातजाति, भाषाभाषी अट्न सक्ने खालको संविधान बनाउनुपर्ने बताउनुभएको छ । इलाममा आइतबारबिहान आयोजित एक कार्यक्रममा सभामुख नेम्बाङले सबै भाषा, जाति, धर्म, लिङ्ग, सम्प्रदायलाई मान्य हुने संविधान मुलुकको आवश्यकता भएको पनि बताउनुभयो ।